هێزی پاراستنی گەل هەپەگە ئاشکرای کرد، کە لە کۆتا رۆژەکانی مانگی ئابدا پارتی دیموکراتی کوردستان حەوت گەریلای لە بۆسەیەکدا شەهید کردوە.
لەو بارەوە ناوەندی راگەیاندنی هەپەگە بڵاویکردوەتەوە، لە رۆژی 30ی ئابەوە پەیوەندییان لەگەڵ حەوت گەریلایان پچڕاوە و بە پێی زانیارییەکانیان لە کاتی پەڕینەوەیان لە رووباری زاب لە ناوچەی خەلیفان کەوتوونەتە بۆسەی چەکدارانی پارتیەوە و شەهیدکراون”.
هەپەگە باسی لەوەشکردوە، “ئەم هێرشە زیانێکی گەورە بە دۆزی ئازادیی گەلی کورد دەگەیەنێت، ماوەیەکە دەسەڵاتدارانی پارتی، هێزەکانیان لە نزیک گەریلاکانمان جێگیردەکەن و بە پێداگرییەوە شەڕمان پێدەدەفرۆشن، بەڵام ئێمە لەپێناو بەرژەوەندیی نەتەوەیی گەلەکەمان، ئەوانمان نەکردوەتە ئامانج، ئێستاش هەر ئەوان خائینانە بۆسە بۆ هەڤاڵانمان دادەنێن و شەهیدیان دەکەن، بەمشێوەیەش شەڕێکی تاکلایەنەیان دژی ئێمە ڕاگەیاندوە”.
پێشتریش هەپەگە رایگەیاندبوو، هێزەکانی پارتی سێ گەریلای پەکەکەیان بێسەروشوێن کردووە.
