سەرۆكی پارتی دیموكراتی كوردستان لە پەیامێكدا بە بۆنەی چوارەم ساڵیادی ریفراندۆم رایگەیاند: “دەستخۆشی لەو قارەمانانە دەكەم كە خۆیان نەچەماند”.
مەسعود بارزانی سەرۆكی پارتی دیموكراتی كوردستان لە رێگەی هەژماری تایبەتی خۆی لە تۆڕی كۆمەڵایەتی تویتەر پەیامێكی بە بۆنەی چوارەم ساڵیادی ریفراندۆمی سەربەخۆیی بڵاوكردەوە و تیایدا رایگەیاندووە، “٪93 دەنگی بەڵێی خەڵكی كوردستان لە ریفراندۆمدا سەركەوتنێكی مەزن و مێژوویی بوو”.
سەرۆكی پارتی راشیگەیاندووە: لە ساڵیادی ئەو سەركەوتنەدا پیرۆزبایی لە گەلی كوردستان و، دەستخۆشی لەو قارەمانانە دەكەم كە خۆیان نەچەماند و چاویان ماچ دەكەم.
لە 25 ی ئەیلولی 2017دا ریفراندۆمی سەربەخۆیی لە هەرێمی كوردستان بەڕێوەچوو، تیایدا 93%ی بەشداربووان دەنگیان بە سەربەخۆیی و جیابوونەوە لە عێراقدا، ئەو هەنگاوەش ئاڵۆزی خستە پەیوەندیەكانی نێوان هەرێم و بەغدا و وڵاتانی دەوروبەریش كاردانەوەی توندیان بەرامبەر بە هەرێمی كوردستان نیشاندا، دواتر ئەنجامی ریفراندۆمەكە لەلایەن بەرپرسانی هەرێمەوە سڕكرا.
