كۆمسیۆنی باڵای سەربەخۆی هەڵبژاردنەكانی عێراق رێنماییەكی بۆ ناوەندەكانی دەنگدان بڵاوكردەوە و تیایدا جەخت لەوە دەكاتەوە، رێگە بە بردنە ژوورەوەی مۆبایل نادرێت.
كۆمسیۆنی هەڵبژاردنەكان لە چەند رێنماییەكدا ئاماژەی بەوەداوە، لەسەر چاودێرانی ناوەندەكانی دەنگدان پێویستە رێگە بە دەنگدەران نەدەن مۆبایلەكانیان ببنە ناوەند و وێستگەكانی دەنگدانەوە.
ئەوەش هاتووە، لەكاتی چوونە ژوورەوە دەنگدەر دەپشكنرێت بۆ دڵنیابوونەوە لەوەی مۆبایلی هەڵنەگرتووە و نەیبردوەتە ناوەندەكانی دەنگدانەوە.
لە بەشێكی تری رێنماییەكاندا هاتووە، لەسەر چاودێرانی ناوەندەكانی دەنگدانیش پێویستە دڵنیا ببنەوە لەوەی دەنگدەر ئامێری مۆبایلی پێ نییە لەكاتی چوونە ژوورەوە.
بڕیارە رۆژی 10ی تشرینی یەكەمی ئەمساڵ كە تەنها 10 رۆژی ماوە، هەڵبژاردنی پێشوەختە پەرلەمانی عێراق بەڕێوە بچێت.
