نوخشە ناسیح قائیمقامی پارێزگای هەڵەبجە ئاشكرای كرد، لەسەرەتای بانگەشەی هەڵبژاردنی پەرلەمانی عێراقەوە تاوەكو ئێستا هیچ پێشێلكارییەكیان تۆمار نەكردووە، هۆشداریش دەداتە حزبەكان و لایەنگرانیان لە تەقەكردن.
نوخشە ناسیح لە كۆنگرەیەكی رۆژنامەوانیدا وتی، بانگەشەی هەڵبژاردن لە پارێزگای هەڵەبجە زۆر بەباشی بەڕێوەچوو، لە سەرەتاوە تاوەكو ئێستا، هیچ پێشێلكارییەك تۆمار نەكراوە.
ئاماژەی بەوەشدا، داوا لە دانیشتوانی هەڵەبجە دەكەن مافی خۆیان پەیڕەو بكەن و بچنە سەر سندوقەكانی دەنگدان و دەنگ بدەن، چونكە ئەم هەڵبژاردنە چارەنوسسازە و دەنگی كوردە لە عێراق و پێویستە زۆرترین كورسی پەرلەمان بەدەستبێنین و دوور لە ناو و نازناوی حزبی و سیاسی.
قائیمقامی هەڵەبجە هۆشداریشیدا بە لایەنگرانی حزب و لایەنە سیاسیەكان، لە تەقەكردن لە دوای پرۆسەی دەنگدان، چونكە هەر كەس و لایەنێك ئەو كارە بكات رووبەڕووی لێپێچینەوەی یاسایی دەكەنەوە.
