وەزیری دەرەوەی ئەمەریكا رایگەیاند، بۆ ساڵی داهاتوو 125 هەزار پەنابەر وەردەگرن، هاوكات واشنتن پڕۆگرامێكی تایبەتیشی بۆ وەرگرتنی ڤیزای یانسیب بەشێوەی ئۆنلاین خستووەتەكار.
ئەنتۆنی بلینكن، وەزیری دەرەوەی ئەمەریكا لە لێدوانێكدا رایگەیاند ” جۆ بایدن هەمیشە جەخت لەسەر پابەندبوونی واشنتن بۆ وەرگرتنی پەنابەران دەكاتەوە، لەم چوارچێوەیەشدا ساڵی 2022 ئەمەریكا 125 هەزار پەنابەر وەردەگرێت.
وەزیری دەرەوەی ئەمەریكا وتیشی “وڵاتەكەی نەك تەنیا گەورەترین كۆمەكبەخشی مرۆییانەیە، بەڵكو هەوڵیش بۆ بەدیهێنانی سەقامگیری لەو ناوچانە دەدات، كە ئاڵۆزییان تێدایە”.
هاوكات ئەمریكا دەرگای پێشكەشكردنی داواكاری بۆ وەرگرتنی ڤیزای هەمەجۆری كردوەتەوە، كە بە ڤیزای یانسیب ناسراوە و ساڵانە هەزاران كەس لەو رێگەیەوە دەتوانن بە شێوەی یاسایی كۆچ بۆ ئەو وڵاتە بكەن.
