مەكتەبی سیاسی یەكێتیی نیشتمانیی كوردستان ئیدانەی بۆردوومانی فڕۆكەكانی سوپای توركیا بۆ سنوری قەرەهەنجیر لە نزیك شاری كەركوك دەكات كە قوربانی و زیانی لێكەوتۆتەوە.
له راگهیهنراوێكدا مهكتهبی سیاسی یهكێتی باسی لهوهكردووه: ئەم سنور بەزاندنە پێشهاتێكی خراپە كە ناوجەرگەو قوڵایی كوردستان و عیراقی گرتۆتەوە، بۆیە داوای دەستبەجێ راگرتنی دەكەین، چونكە هیچ پاساوێك نابێت ببێتە ھۆی سنور بەزاندن و زیان گەیاندن بەخەڵكی بێتاوان .
ههر له راگهیهنراوهكهدا هاتووه: داوا لە حكومەتی ئیتحادی دەكەین كە ئەركی دەستوری و نیشتمانی خۆی لەداكۆكیكردن لەخاكی عیراق بەكوردستانیشەوە راپەڕێنێ و لەڕێگەی كەناڵە دیبلۆماسیەكانەوە حكومەتی توركیا لەم پێشێلكارییە ئاگاداربكاتەوە.
ئێوارهی رۆژی ههینی فڕۆكه جهنگیهكانی توركیا بۆردومانی سنوری قهرهههنجیریان كرد به هۆیهوه كهسێك كوژرا و دوو كهسیش برینداربوون. له ماوهی نزیكهی ههفتهیهكیشدا ئهمه دووهم بۆردومانی توركیایه بۆ سهر ئهو سنوره.
