سەرۆكی دەستەی وەبەرهێنانی هەرێمی كوردستان رایگەیاند، لەماوەی دوو ساڵی رابردوودا زیاتر لە 40 پڕۆژەی گەورەی پیشەسازی لە هەرێم مۆڵەتیان پێدراوە. ئاماژەی بەوەشكرد، بە بڕیاری حكومەت دەبێت لە هەر كارگەیەكدا زۆرینەی دەستی كار ناوخۆیی بێت.
محەمەد شوكری، سەرۆكی دەستەی وەبەرهێنانی هەرێمی كوردستان لە لێدوانێكدا رایگەیاند: “لە دوو ساڵی رابردوودا نزیكەی 42 پڕۆژەی گەورەی پیشەسازی مۆڵەتیان پێدراوە، هەر لەو ماوەیەدا 204 كارگەی گەورە لە دەستەی وەبەرهێنان پەسند كراون، ئومێد دەكەین لە داهاتوودا ئەوانیش بخرێنە خزمەتی خەڵك”.
وتیشی: “لە دەستپێكی كابینەی نۆیەمی حكومەتی هەرێمی كوردستان بڕیاردراوە، هەر كارگەیەك كە دروست دەكرێت %75ی دەبێت دەستی كاری ناوخۆی هەرێمی كوردستان بێت، بە كردار جێبەجێكراوە و هەندێك كارگە دەستیان بە كاركردووە”.
