سەرچاوەیەك لە وەزارەتی دارایی حكومەتی هەرێمی كوردستان رەتیدەكاتەوە، موچەی ئەم مانگە بە لێبڕینەوە دابەش بكرێت و جەخت لەوە دەكاتەوە، لە وادەی خۆیدا و بەتەواوی دابەش دەكرێت.
سەرچاوەیەك لە وەزارەتی دارایی رایگەیاندووە، دەنگۆی دەستپێكردنەوەی لێبڕینی موچە دوورە لە راستییەوە و موچەی ئەم مانگەش بەبێ لێبڕین دابەش دەكرێت.
ئاماژەی بەوەشداوە، لیستی موچەی وەزارەت و فەرمانگەكان بەبێ لێبڕین و بەتەواوی ئاڕاستەی گەنجینەكان كراوە و هاوشێوەی مانگەكانی رابردوو لە وادەی خۆیدا دەست بە دابەشكردنی دەكرێت.
ئەمەش دوای ئەوەدێت، پێشتر بڵاوكرایەوە گوایە حكومەتی هەرێمی كوردستان بەنیازە دەست بكاتەوە بە لێبڕینی موچەی فەرمانبەران.
