كونسوڵخانەی ئەڵمانیا لەهەولێر بڵاویكردەوە، خۆشحاڵن بەوەی دادگاكانی هەرێم كۆتاییان بە دۆسییەی كۆمەڵێك لە دەستگیر كراوان هێناوە كە زیاتر لە ساڵێكە بە دودڵییەوە روانیویانەتە دۆسییەكانیان، لەقۆناغی داهاتوشدا چاودێری دادگایی كردنی زیندانیانی بادینان دەكەن. كونسوڵخانەی ئەڵمانیا لەهەولێر لە بڵاوكراوەیەكدا ئاماژەی بەوەداوە، لەگەڵ یەكێتی ئەوروپا و نەتەوەیەكگرتوەكان لە نزیكەوە چاودێری پرۆسەی دادگایی كردنی زیندانیكراوانی بادینان دەكەن و خۆشحاڵن بەوەی دادگاكانی هەرێم كۆتاییان بە دۆسییەی كۆمەڵێك سزادراو هێنا، كە زیاتر لە ساڵێكە بە دودڵییەوە روانیویانەتە دۆسییە و دۆخەكە، كە دواجار ژمارەیەكیان بێ تاوان دەرچون و ئازاد كران.
ئەوەش هاتووە، هێشتا نیگەرانی بەرامبەر سەروەربونی یاسا لە هەرێمدا هەیە، بەتایبەت ئەو ماوەی زیندانییەی دادگا بەسەر بەشێك لە زیندانیكراوانی بادینانی سەپاندوە و رێگەنەدان بە سەردانیكردنیان لەلایەن كەسوكار و پارێزەرەكانیانەوە.
تاوەكو ئێستا دادگای هەولێر 7 چالاكوانی بادینانی ئازاد كردووە بەڵام سزای ساڵێك زیندانی بەسەر 6 كەسیاندا سەپاند و بەهۆی ئەوەی زیاتر لە ساڵێكە دەستگیر كراون، وەك ماوەی تەواو كردنی سزاكەیان بۆیان هەژمار كرا.
