لیژنەی باڵای پێوەری زیرەك بڵاویكردەوە، ملیۆنێك و 10 هەزار پێوەری زیرەكی كارەبا لە پارێزگاكانی هەرێمی كوردستان بەستراون، كە دەكاتە رێژی 68٪ی كۆی پێوەری زیرەك كە پێویستە ببەسترێن.
عەلی ئیسماعیل ئەندامی لیژنەی باڵای پێوەری زیرەك رایگەیاندووە، لەكۆی ملیۆنێك و 500 هەزار هاوبەشی كارەبا تاوەكو ئێستا ملیۆنێك و 10 هەزار پێوەری زیرەكی كارەبا بۆ هاوبەشان بەستراون.
رونیشیكردووەتەوە، ئەوەش واتای ئەوەیە رێژەی 68٪ی پڕۆژەكە تەواو بووە، ئەوەشی دەمێنێتەوە تاوەكو كۆتایی ئەمساڵ تەواو دەبێت و هەموو هاوبەشان پێوەریان بۆ دەبەسترێت، تەنها هەندێك گوندی دوورە دەست نەبێت كە ژمارەی هاوبەشەكانیان كەمن و زیاتر دەكەونە ناوچە سنوورییەكانەوە، لەگەڵ سیتییەكانی ناو شارەكان.
ئەندامەكەی لیژنەی باڵای بەستنی پێوەری زیرەك جەختی لەوەش كردووەتەوە، بەستنی پێوەری زیرەك بۆ هاوبەشان كە بریتییە لە دابینكردنی 40 ئەمپێر بۆ هەر هاوبەشێكی كارەبا بووەتە هۆی كەمكردنەوەی سوتانی بگۆڕەكانی كارەبا بەڕێژەی 90٪
