عەمار حەكیم سەرۆكی رەوتی حیكمەی نیشتیمانی دەڵێت، نیگەرانە لە زیانەكانی لافاوەكەی پارێزگای هەولێر لە كوردستانی خۆشەویست و هاوخەمی خۆیان بۆ ناوچە زیان لێكەوتووەكان دەردەبڕن.
عەمار حەكیم لە تویتێكدا لە تۆڕی كۆمەڵایەتی تویتەر نوسیویەتی، بە نیگەرانییەوە چاودێری كاریگەریەكانی ئەو شەپۆلە لافاوە دەكەن كە پارێزگای هەولێری لە كوردستانی خۆشەویست گرتووەتەوە و زیانی مادەی زۆری داوە.
ئاماژەی بەوەشداوە، هاوخەمی خۆیان ئاڕاستەی ناوچە زیان لێكەوتووەكان دەكەن و داوا لە لایەنە حكومیە تایبەتمەدەكان دەكات، هاوكاری پێشكەشی ئەو گوند و ناوچانە بكەن كە بەهۆی لافاوەوە گیریان خواردووە و رێوشوێنی پێویست بگرنە بەر، تاوەكو كەسانی زیاتر رووبەڕووی هەڕەشە نەبنەوە.
بەهۆی ئەو شەپۆلە باران و تەرزەی رووی لەناوچەكە كرد، لافاوێكی زۆر لە شاری هەولێر دروست بوو و بووە هۆی زیان گەیاندن بە سەدان ماڵ و ئۆتۆمبێل و داخستنی چەندین رێگە، بەهۆی ئەوەشەوە ئەمڕۆ یەكشەممە لە شارەكە كرایە پشووی فەرمی.
