كۆمەڵگای دەروازەی نێودەوڵەتی پەروێزخان بڵاویكردەوە، چالاكیە بازرگانیەكان لە مەرزی پەروێزخان لەمڕۆوە سەرلەنوێ دەستیان پێكردوەتەوە.
كۆمەڵگای دەروازەی نێودەوڵەتی پەروێزخان لە راگەیەندراوێكدا ئاماژەی بەوەداوە، ئاگاداری بازرگانان لە ئێران و هەرێمی كوردستان دەكاتەوە، سەرلەنوێ لە رۆژی سێشەممەوە چالاكی بازرگانی و رەوتی هەناردەكردن دەستپێدەكاتەوە.
بەپێی راگەیەندراوەكە، ئەمەش پاش مانگرتنی شۆفێرانی عێراق لەو دەروازەیە و وەستانی هەناردەكردن بۆ عێراق و هەرێمی كوردستان لەم سنورەوە بۆ ماوەی یەك هەفتە.
ئەوەش هاتووە، دەست پێكردنەوەی چالاكیە بازرگانیەكان لە مەرزی پەروێزخان لە دوای بەدواداچوون و گفتوگۆی بەردەوامی مەهدی شوشتەری سەركونسوڵی ئێران لە سلێمانی دێت، كە سەردانی شاری كەلار و پەروێزخانی كرد و چەند دیدارێكی لەگەڵ سەرپەرشتیاری ئیدارەی گەرمیان و بەرپرسانی دیكەی هەرێمی كوردستان ئەنجامدا.
