بەهۆی تەقینەوەی گوازەرەوەیەكی سوتەمەنی لە شاری “فری تاون”ی پایتەختی سیرالیۆن، زیاتر لە 90 كەس گیانیان لەدەستدا.
سەرچاوەكانی هەواڵی سیرالیۆن ئاشكرایان كرد، لە وێستگەیەكی سوتەمەنی لە شاری “فری تاون”ی پایتەخت گوازەرەوەیەكی سوتەمەنی خۆی كردووە بە ناو وێستگەیەكی سوتەمەنیدا، بەهۆی ئەوەشەوە تەقینەوەیەكی گەورە روویداوە و دەیان كەس بوونەتە قوربانی.
لای خۆیەوە ئاژانسی رۆیتەرز لە زاری بەڕێوەبەری پزیشكی دادوەری شارەكەوە بڵاویكردووەتەوە، 91 تەرمی قوربانیانی رووداوەكە براونەتە پزیشكی دادوەریی.
لەلایەكی ترەوە “ئیفۆن ئاكی سۆیەر” سەرۆكی شارەوانی “فری تاون” ئاشكرای كردووە، بەپێی زانیاریەكانیان زیاتر لە 100 كەس بەهۆی رووداوەكەوە گیانیان لەدەست داوە.
