نرخی نەوتی خاو بەردەوامە لە بەرزبوونەوە و یەك بەرمیل خاوی برێنت گەیشتە زیاتر لە 85 دۆلار و بەرمیلێَك خاوی تەكساسی ئەمریكی بە زیاتر لە 84 دۆلار مامەڵەی پێوە دەكرێت.
بەپێی راپۆرتە ئابورییەكان، نرخی نەوتی خاو بەرزبوونەوەی زیاتری بەخۆیەوە بینیوە و یەك بەرمیل خاوی برێنت بەرزبووەتەوە بۆ 85 دۆلار و 23 سەنت.
هەمان ئەو راپۆرتانە باس لەوە دەكەن، هەروەها بەرمیلێك خاوی تەكساسی ئەمریكی بە 84 دۆلار و 40 سەنتەوە مامەڵەی پێوە دەكرێت و بەپێی داتاكانی رێكخراوی ئۆپێكیش، یەك بەرمیل خاوی رێكخراوەكە بەرامبەر 82 دۆلار و 34 سەنتە.
بەپێی وتەی شارەزایان، هۆكاری بەرزبوونەوەی نرخی نەوت كەمبوونەوەی نەوتی عەمبار كراوی ئەمریكایە و لە هەفتەی رابردودا 2 ملیۆن و 500 هەزار بەرمیل كەمی كردووە.
