باڵیۆزی فەخری بیلاڕوسیا لەعێراق رایگەیاند، هەمو ئەو کۆچبەرانەی لەئێستادا لەسەر سنورەکانی پۆڵندان بەشێوەیەکی یاسایی و فەرمی چونەتە بیلاڕوسیا، دواتر بەرەو سەر سنوری پۆڵندا هەڵاتون تا خۆیان بگەیەننە وڵاتانی ئەوروپا.
سەرجەم ئەو کۆچبەرانە بەڕێگەی یاسایی و فەرمی چونەتە ئەو وڵاتە
ماجد قەیسی، باڵیۆزی فەخری بیلاڕوسیا لەعێراق بە کەناڵی “العربیة”ی راگەیاندوە، مینسک بەشێک نیە لە سیاسەتی ناردنی کۆچبەران بۆ ئەوروپا و سەرجەم ئەو کۆچبەرانەی عێراق کە بەمەبەستی گەشتکردن سەردانی بیلاڕوسیان کردوە بەڕێگەی یاسایی و فەرمی چونەتە ئەو وڵاتە.
دواتر بەرەو سەر سنوری پۆڵندا هەڵاتون تا خۆیان بگەیەننە وڵاتانی ئەوروپا
ئاماژەی بەوەشكرد، سەرجەم گەشتیاران پێشوەخت شوێنی مانەوەیان بەکرێ گرتوە و سەرجەم رێکارە یاساییەکانیان ئەنجام داوە، بەڵام دواتر بەرەو سەر سنوری پۆڵندا هەڵاتون تا خۆیان بگەیەننە وڵاتانی ئەوروپا.
بەهۆکاری ئەوەی باڵیۆزی فەخرین لە عێراق ناتوانن ڤیزا بدەن بە هاوڵاتیان
باڵیۆزی فەخری بیلاڕوسیا لەعێراق ئەوەشی خستوەتەڕو، ئەوان بەهۆکاری ئەوەی باڵیۆزی فەخرین لە عێراق ناتوانن ڤیزا بدەن بە هاوڵاتیان، بۆیە سەرجەم هاوڵاتیانی عێراق لەرێگەی باڵیۆزخانەکانی بیلاڕوسیا لە وڵاتانی ناوچەکە ڤیزایان وەرگرتوە نەک لە عێراق.
