كاردۆ محەمەد رێكخەری ژوری پەرلەمانی بزوتنەوەی گۆڕان دەڵێت، ئەگەر بەشداریكردنیان لە حكومەت سودی بە خەڵك گەیاندوە با وەزیر و بەرپرسانی بزوتنەوەكە باسی بكەن، ئەگەر هیچ دەستكەوتێكیشیان نەبووە لە پێناو چی لەبەرەی دەسەڵات بمێننەوە.
كاردۆ محەمەد لەراگەیەندراوێكدا وتویەتی، لە قۆناغی راگوزەر وتار هەڵوێستی گۆڕان دەبێت راشكاو و رۆشنتر بێت بە تایبەت سەبارەت بە بەشداری لە حكومەت.
رونیشیكردووەتەوە، ئایا بەشداری لە حكومەت چی پێشكەش بە گۆڕان و خەڵك كردوە؟، ئەگەر كردویەتی با باسی بكەین، ئەگەر هیچ دەسكەوتێكی بۆ كارنامەكە و خەڵك نەبووە، لە پێناو چی لەبەرەی دەسەڵات بمێنینەوە؟
رێكخەری ژوری پەرلەمانی بزوتنەوەی گۆڕان جەختی لەوەش كردووەتەوە، بۆ قۆناغی داهاتوو لە بڕیاردان لە كشانەوەی حكومەت یاخود هەر هاوپەیمانییەك، دەبێت نەخشە رێگایان هەبێت و خەڵك بڕیار و هەڵوێستەكان بە بەرژەوەندی خۆیان بزانن، نەك حزبی و كەمینەیەك.
