پۆلیسی پارێزگای هەولێر دڵنیایی دەداتە هاوڵاتیانی شارەكە، هیچ پێویست بە ترس و دڵەڕاوكێ ناكات لەو دەنگەی لە شارەكە دەبیسترا و جەخت لەوە دەكاتەوە هاوپەیمانی نێودەوڵەتی هەندێك چەك و تفاقی خۆیان لەناو دەبەن.
پۆلیسی هەولێر لە ئاگادارییەكدا باسی لەوە كردووە، كاتژمێر 12 بۆ یەكی نیوەڕۆی رۆژی شەممە، دەنگێكی بەرز لە هەولێر و دەوروبەری دەبیسترا.
ئەوەش هاتووە، هیچ پێویست بە ترس و دڵەڕاوكێ ناكات و هێزەكانی هاوپەیمانان لەنزیك فرۆكەخانەی نێودەوڵەتی هەولێر هەندێك چەك و تفاقی تایبەت بە خۆیان لەناو دەبەن.
ئەمەش دوای ئەوەدێت، نیوەڕۆی ئەمڕۆ شەممە
دەنگی تەقینەوەی بەرز لە شاری هەولێر دەبیسترا و بەهۆی ئەوەشەوە هاوڵاتیانی شارەكە نیگەران ببوون.
