مستەفا كازمی سەرۆك وەزیرانی عیراق لەسەر روداوەكانی سلێمانی پەیامێكی بڵاوكردەوە و ئاماژەی بەوەداوە، دەستدێژیی بۆ سەر خۆپیشاندەران و موڵكی گشتی و تایبەتیش رەتكراوەیە.
مستەفا كازمی لە تۆڕی كۆمەڵایەتی تویتەر بە زمانی كوردی بڵاویكردووەتەوە، روداوە ئازار بەخشەكانی ئەم دواییەی هەرێمی كوردستان بەتایبەت شاری سلێمانی ئازیز، پێویستی بە هەڵویستی بەرپرسانە هەیە بۆ پاراستنی ئاسایشی كۆمەڵایەتی.
رونیشیكردووەتەوە، خۆپیشاندانی ئاشتییانە مافێكی دەستوریی دەستەبەركراوە بۆ هەمووان، دەستدێژیی بۆسەر خۆپیشاندەران و موڵكی گشتی و تایبەتیش رەتكراوەیە.
ماوەی چەند رۆژێكە خوێندكارانی زانكۆ و پەیمانگاكانی سلێمانی و چەند ناوچەیەكی تر بایكۆتیان راگەیاندووە و دەستیان كردووە بە خۆپیشاندان، بەڵام توندوتیژی لێكەوتووەتەوە و بەهۆی ئەوەشەوە چەند خوێندكارێك و ئەندامێكی هێزە ئەمنییەكان بریندار بوون.
