هەردوو كۆمپانیای دەرمانی “مێدیكاگۆ” و گلاسكۆ سمیس كلاین” ئاشكرایان كرد، تاقیكردنەوەكانیان لەسەر یەكەم ڤاكسینی رووەكی دژە كۆرۆنا سەركەوتنی بەدەستهێناوە و كاریگەرییەكە 71% بۆ 75%ە.
رۆژنامەی واشنتن پۆست بڵاویكردووەتەوە، هەردوو كۆمپانیاكە یەكەم تاقیكردنەوەی ڤاكسینە رووەكییەكەیان لەسەر 24 هەزار كەس لە 6 دەوڵەتی جیهان كردووە، دەركەوتووە سەركەوتنی بەدەستهێناوە.
رونیشكراوەتەوە، كاریگەری ڤاكسینەكە دژی كۆرۆنا 71% بۆ 75%ە و تاوەكو ئێستا هیچ ناوێكی لێنەنراوە، ئەگەریشی هەیە ناوبنرێت CoVLP و دەتوانرێت لەلایەن ئەو كەسانەوە بەكاربهێنرێت كە بەهۆكاری ژینگەیی و ئایینی وەرگرتنی ڤاكسینەكان رەتدەكەنەوە.
هەردوو كۆمپانیای ناوبراو دەخوازن، ڤاكسینەكەیان وەك سەرجەم ڤاكسینەكانی تری كۆرۆنا پشتی پێببەسترێت، هەروەها لە تاقیكردنەوەكاندا هیچ كاریگەرییەكی سلبی دەرنەكەوتووە.
