پارتی دیموكراتی كوردستان پێشوازی لە بڕیاری دادگای فیدراڵی كردو رایگەیاند: جەختیش لە بەدواداچونی ئەو ستەمە دەكەنەوە كە لە پارتی كراوەو بە ناحەق دوو كورسیان لێبراوە.
ئەمەی خوارەوە دەقی راگەیەنراوی مەكتەبی سیاسی پارتی دیموكراتی كوردستانە:-
راگەیاندراوێك لە مەكتەبی سیاسی پارتی دیموكراتی كوردستانەوە
پارتی دیموكراتی كوردستان پێشوازی لە بڕیاری دادگای باڵای فیدراڵی دەكات بۆ پەسەندكردنی ئەنجامی كۆتایی ھەڵبژاردنی پێشوەختەی ئەنجوومەنی نوێنەرانی عێراق، كە لە رێكەوتی 10ـی 10ـی 2021ئەنجامدرا. ئەم بڕیارە ھەنگاوە دەستوورییەكان بەدوای خۆیدا دەھێنێت بۆ پێكھێنانی كابینەی داھاتووی حكومەتی فیدراڵ.
لە ھەمان كاتدا جەخت لە بەدواداچوونی ئەو ستەمە دەكەینەوە كە لە پارتیمان كرا لە بە ناحەقبردنی دوو كورسی لە كورسیەكانمان، بە رێگای یاسایی لەلایەن ئەو كاندید و دەنگدەرانەمانەوە كە بە نایاسایی دەنگەكانیان سوتێنران.
مەكتەبی سیاسی
پارتی دیموكراتی كوردستان
27ی 12ی 2021
