ڤلادیمێر تیتۆرینكۆ باڵیۆزی پێشووتری روسیا لە عیراق دەڵێت، حكومەتی كاربەڕێكەری ئەو كاتەی عیراق كە ولایەتە یەكگرتووەكانی ئەمریكا دروستیان كرد، مافی ئەوەی نەبوو سەدام حسێن سەرۆكی رژێمی پێشوو دادگایی بكات.
ڤلادیمێر تیتۆرینكۆ كە لە ساڵی 2002 بۆ 2003 باڵیۆزی روسیا بووە لە عیراق بە ئاژانسی نۆڤۆستی روسی وتووە، حكومەتی كاربەڕێكەری ئەو كاتە هەڵبژێردراو نەبوو لەلایەن گەلی عیراقییەوە و ئەمریكییەكان دروستیان كرد.
رونیشیكردووەتەوە، بۆیە ئەو حكومەتە مافی ئەوەی نەبوو سەدام حسێن سەرۆكی رژێمی پێشووی عیراق دادگایی بكات، دەسەڵاتی ئەوەی نەبوو چونكە سەدام سەرۆكی وڵات و فەرماندەی گشتی هێزە چەكدارەكان بوو و بڕیارەكانی لەسەر یاساكانی ئەو كاتە دەدا.
باڵیۆزی پێشووتری روسیا لە بەغدا پێشی وایە، ئەو تۆمەتانەی روبەڕوی كرایەوە سەبارەت بە شەڕی عیراق – ئێران و بەكارهێنانی چەكی كیمیاوی هیچ بنەمایەكیان نەبوو، هیچ بەڵگەیەك نەبوو سەدام حسێن ئەو چەكەی بەكارهێنابێت.
