وەزارەتی تەندروستی عیراق ئاشكرای كرد، بەهۆی یاریە ئاگرینەكانی شەوی سەری ساڵی زاینییەوە، 100 كەس لە عیراق بریندار بوون و سەرجەمیان چارەسەریان بۆ كراوە.
سەیف بەدر وتەبێژی وەزارەتی تەندروستی عیراق بڵاویكردووەتەوە، لە سەرجەم پارێزگاكاندا 100 بریندار بەهۆی یاریە ئاگرینەكانی شەوی سەری ساڵی زاینییەوە تۆمار كراون.
جەختی لەوەش كردووەتەوە، سەرجەم بریندارەكان براونەتە نەخۆشخانە و چارەسەریان بۆ كراوە و نەخۆشخانەیان جێهێشتووە.
وتەبێژی تەندروستی عیراق هێمای بۆ ئەوەش كردووە، لە چاو ساڵانی رابردوو ئەمساڵ ژمارەكە كەمترە و سوپاسی هاوڵاتیان دەكەن كە پابەندن بە رێنماییەكانی تایبەت بە یاریە ئاگرینەكان و پەتای كۆرۆناشەوە.
