حكومەتی چین ئاشكرای كرد، بەردەوام دەبێت لە نوێكردنەوەی جبەخانە ئەتۆمییەكەی و داواش لە ئەمریكا و روسیا دەكات ژمارەی كڵاوە ئەتۆمییەكانیان كەمبكەنەوە.
فۆ سۆنگ بەڕێوەبەری گشتی ئیدارەی سنوردار كردنی پڕچەككردن لە وەزارەتی دەرەوەی چین رایگەیاندووە، وڵاتەكەی بەردەوام دەبێت لە نوێكردنەوەی جبەخانە ئەتۆمییەكەی، ئەوەش لەپێناو دڵنیایی و سەلامەتی.
رونیشیكردووەتەوە، ئەمریكا و روسیا 90%ی كڵاوە ئەتۆمیەكانی جیهانیان هەیە، پێویستە جبەخانە ئەتۆمییەكەیان كەمبكەنەوە و پابەندبن بە یاسا و پەشیمان نەبنەوە لە بەڵێنەكانیان.
ئەو بەرپرسە چینییە داواشی لە واشنتن كرد، چیتر هەڵسەنگاندن بۆ جبەخانەی ئەتۆمی چین نەكات لە رێگەی مانگە دەستكردەكانەوە.
