حاكم قادر حەمەجان ئەندامی ئەنجومەنی باڵای سیاسی و بەرژەوەندی یەكێتی رایگەیاند، پێویستە سەرجەم لایەنە سیاسییە كوردستانییەكان یەكدەنگبن، هەر لێكترازانێكی لایەنە كوردستانییەكان بە تایبەت یەكێتی و پارتی لە بەغدا، دۆزی كوردستان و پێگەی گەلەكەمان لە عیراق لاواز دەكات.
حاكم قادر حەمەجان لە میانی بەشدارییكردنی لە سیمینارێكی ژمێریاری كە بۆ ژمارەیەك لە گەنجان و خوێندكاران رێكخرابوو هۆشداریدا لە دۆخی سیاسی عیراق و پێكهێنانی حكومەتی نوێ و لە هەر لێكترازانێكی لایەنە كوردستانییەكان بە تایبەت یەكێتی و پارتی لە بەغدا، كە دۆزی كوردستان و پێگەی كورد لە بەغدا لاواز دەكات.
باسی لەوەشكردووە، پێویستە سەرجەم لایەنە سیاسییە كوردستانییەكان لە پێناو ماف و ئامانجە باڵاكانی گەلی كوردستان یەكدەنگ و یەك هەڵوێستبن بۆ بەدەستهێنانی مافە یاسایی و دەستورییەكان.
ئەو سەركردەیەی یەكێتی سەبارەت بە رۆڵی گەنجان وتی، دەبێت گرنگی بە توانا و لێهاتووی گەنجان بدرێت و پشتیوانی بكرێن بۆ ئەوەی سود بە كۆمەڵگە بگەیەنن، ئەركی حكومەتی هەرێمی كوردستانە، هەلی كار بۆ گەنجان و دەرچووانی زانكۆ و پەیمانگاكان بڕەخسێنێت.
