بەڕێوەبەرایەتی كەشناسی و بومەلەرزەزانی هەرێم بڵاویكردەوە، بەفربارین لە چەند ناوچەیەك بەردەوامە و پلەكانی گەرما زیاتر روو لە نزمبوونەوە دەكەن.
بەڕێوەبەرایەتییەكە لە بڵاوكراوەیەكدا ئاماژەی بەوەداوە، لە ئێستادا بەفر بارین لەسەر زۆربەی ناوچە شاخاوییە بەرزەكان و هەندێ لە قەزاو ناحیەكانی ناوچە شاخاوییەكان هەیە.
رونیشیكردووەتەوە، لە چیای زاوا لە دهۆك و چیای سفین بەفر باریووە، ئاستی بەفری تۆماركراو لە یاخسەمەر 2 سانتیمەترە و لە سیدەكان 5 سم و لە دینارتە 4سم هەبووە.
هەر بەپێی پێشبینییەكان، كاریگەری ئەو بارستە هەوایە ساردە بەردەوام دەبێت و ئەمڕۆ یەكشەممە لە تەواوی ناوچەكان پلەكانی گەرما زیاتر روو لە نزم بوونەوە دەكەن.
