مەلا بەختیار: پۆستێك ئەوە ناهێنێت پارتی و یەكێتی ساڵەهای تر لەگەڵ یەكتر بیكێڵن

مەلا بەختیار ئەندامی ئەنجومەنی باڵاى بەرژەوەندی و سیاسی یەكێتیی نیشتمانیی كوردستان رایگەیاندوە، دەبوایە پێشتر یەكێتی بیزانیبایە كە پارتی لەگەڵ سوننەو سەدرییەكاندا رێككەوتنی كردوە.


لەمیانی دیدارێكیدا كە دواتر ناوەڕۆكەكەی بڵاوكردۆتەوە، مەلابەختیار رایگەیاندوە، سەرەڕای دەستكەوتەكان كە كەمنین بەڵام لەحوكمڕانی كوردستاندا كەوتونەتە بەردەم ناڕەزایەتییەكی زۆری خەڵك، بەڵگەشی دوا ئەنجامی هەڵبژاردنە كە هەرسێ‌ حزبی ناو دەسەڵات (پارتی، یەكێتی، گۆڕان)، (700) هەزار دەنگ دابەزیون، ئەمەش بڕیاری میللەتە بەرامبەر بەدەسەڵات، نەك تەنها حزب كە ئەم رێژە زۆرەی لەمتمانە لێوەرگیراوەتەوە ئەوەشی رویداوە كارەساتێكی جەماوەرییە، ئەگەر ئەخلاقی سیاسی و ویژدانی سیاسیان هەبێ‌ و باوەڕیانوابێ‌ میللەت سەرچاوەی هەموو دەسەڵاتەكانە دەبێ‌ دابەزینی (700) هەزار دەنگ بەكارەساتێكی جەماوەری بزانن.


لەبەشێكی تردا مەلا بەختیار ئاماژەی بەوە كردوە، باشبوو وەفدی هاوبەشی یەكێتی و پارتی پێكەوەچونە بەغدا، خۆزگە هەموو حزبەكانی تریش لەوەفدەكەدا بونایە، بەڵام دوای دوو رۆژ دیسانەوە لێك دەترازێن، دوو رۆژ چییە بۆ مێژوو بۆ چارەنوسی میللەتێك، بۆ دان بەخۆدا ناگرن تا لێكنەترازێن، دەبوایە یەكێتی پێشتر بیزانیایە پارتی لەگەڵ سەدرو سونەكان رێككەوتوە‌و چەندینجار وەفدیان هاتونەتە هەولێرو وەفدی پارتیش چۆتە بەغدا، ئەمەش مانای ئەوەیە پارتی لەگەڵیان زۆر چۆتە پێشەوە، بۆیە كاتێك وەفدی هاوبەشی یەكێتی و پارتی پێكهێنرا دەبوایە یەكێتی بیوتایە ئایا پارتی ئێوە لەگەڵ ئەواندا رێككەوتون یاخود نا، ئەگەر رێككەوتونتان كۆتایی پێهێناوە ئەوا ئێمە وەكو وەفدی هاوبەش نایەن بۆ بەغدا، ئەگەر رێكیش نەكەوتون فەرمو با بەرنامەی هاوبەش دابنێین بۆ رێككەوتن لەگەڵ سەدرو سوننەكان‌و لایەنەكانی تریشدا، هەربۆیە دوای دووسەعات وەفدە هاوبەشەكە تێكرا‌و ئەمەش مایەی داخە چارەنوسی گەلێك و میللەتێك بەدوو سەعات تێكبچێت. 


مەلابەختیار دەشڵێت، لەدوای هەڵپەساردنی سەرۆكایەتی نوێی پەرلەمان، دەرفەتێك كەوتۆتە دەست یەكێتی‌و پارتی‌و تروسكاییەكی چارەسەر دەبینرێ‌، ئەو تروسكاییە مەكوژێننەوەو زیاتری بكەن نەك كەمتر، پۆستێك ئەوە ناهێنێت پارتی و یەكێتی ساڵەهای تر لەگەڵ یەكتر بیكێڵن.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .