بەهۆی پێكدادانی پاسێكی خوێندكاران و ئۆتۆمبێلێكی سەربازی لە قەزای شنگال، 2 خوێندكار گیانیان لەدەستدا و نزیكەی 30 خوێندكاری تر بریندار بوون.
لەو بارەیەوە خودێداد چوكێ بەڕێوەبەری ناحیەی سنونێ رایگەیاندووە، روداوێكی هاتووچۆ لە نێوان پاسێكی گوازەرەوەی خوێندكاران و ئۆتۆمبێلێكی سەربازی سوپای عیراقیدا رویداوە.
جەختی لەوەش كردووەتەوە، خوێندكارەكان بە زمانی كوردی دەخوێنن و رۆژانە لە خانەسۆرەوە دەچنە سنونێ بۆ خوێندنگە.
بەڕێوەبەری ناحیەی سنونێ ئاماژەی بەوەش كردووە، پاسەكە زیاتر لە 30 خوێندكاری تێدابووە و سەرجەمیان برینداربوون، دواتر دوانیان گیانیان لەدەستداوە و برینی 6 خوێندكاری تریش سەختە.
