تەندروستی عیراق هۆشداری دەدات: گەیشتینە لوتكەی بڵاوبونەوەی ئۆمیكرۆن

هەیسەم جبوری بەرێوەبەر لە وەزارەتی تەندروستی عیراق دەڵێت، نەوەی ئۆمیكرۆنی كۆرۆنا گەیشتووەتە لوتكەی بڵاوبوونەوە و ماوەی مانەوەی ڤایرۆسەكە لە جەستەی توشبوودا كەمترە لە 7 رۆژ.


هەیسەم جبوری بە رۆژنامەی فەرمی وتووە، نەوەی ئۆمیكرۆن وەك و نەوەكانی تر وایە بەڵام خێرایی بڵاوبونەوەكەی زۆر زیاترە، ئەوەش بەهۆی زیادبوونی ژمارەی توشبووان بەشێوەیەكی بەرچاو و لەماوەیەكی كەمدا جێی نیگەرانییە.


رونیشیكردووەتەوە، زیادبوونی توشبووانیش پەستان دەخاتە سەر سەرچاوەكان، وەك دەرمان و قەرەوێڵەی نەخۆشخانەكان و میلاكاتی تەندروستی، ماوەی مانەوەی كۆرۆنا لە جەستەی نەخۆشدا 21 رۆژە بەڵام ئۆمیكرۆن لە هەفتەیەك كەمترە، ئەوەش بەهۆی خێرایی دەركەوتنی نیشانەكان و كورتی مەودای بڵاوبوونەوەی.


ئەو بەڕێوەبەرە لە وەزارەتی تەندروستی عیراق جەختی لەوەش كردووەتەوە، لە ئێستادا بڵاوبونەوەی ئۆمیكرۆن لە عیراق گەیشتووەتە قۆناغی لوتكە.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .