مستەفا سەند ئەندامی پەرلەمانی عیراق ئاشكرای كرد، دەستەی دەستپاكی لەسەر فرۆشتنی نەوتی رەش بە كۆمپانیاكانی هەرێمی كوردستان، دۆسیەی لێكۆڵینەوەی بۆ وەزارەتی نەوت كردووەتەوە.
مستەفا سەنەد لە گفتوگۆیەكی تەلەفزیۆنیدا وتویەتی، دەستەی دەستپاكی لەسەر فرۆشتنی نەوتی رەش بە كۆمپانیاكانی هەرێمی كوردستان دۆسیەی لێكۆڵینەوەی بۆ وەزارەتی نەوت كردۆتەوە، بەوپێیەی پێشتر ئەنجومەنی باڵای بەرەنگاربونەوەی گەندەڵی داوای هەڵوەشاندنەوەی فرۆشتنی ئەو نەوتەی كردبوو.
وتوشیەتی، لەگەڵ ئەوەی داواكرابوو پرۆسەی فرۆشتنی نەوت بەكۆمپانیاكانی هەرێم رابگیرێت بەوپێیەی فرۆشتنی نەوت بەو رێگایە بەفیڕۆدانی ماڵی گشتییە، بۆیە داواكراوە كۆمپانیای گشتی بەبازاڕكردنی نەوتی عیراق “سۆمۆ” بەتەنها خۆی سەرپەرشتی فرۆشتنی نەوت بەكۆمپانیای تر بكات.
ئەو پەرلەمانتارە جەختی لەوەش كردووەتەوە، بەڵام لەدوای گۆڕینی حكومەت و هاتنی حكومەتەكەی مستەفا كازمی، جارێكی تر لەسەر راسپاردەی وەزارەتی نەوت و بە سودوەرگرتن لە پرۆسەی گواستنەوە و كاری قاچاخچێتی هەندێك لەكۆماپانیاكان، دەستیانكردۆتەوە بە فرۆشتنی نەوت بەكۆمپانیاكانی هەرێمی كوردستان.
