هۆشیار عەبدوڵڵا ئەندامی پێشووی پەرلەمانی عیراق دەڵێت، چاكسازی بە كەسانێك ناكرێت كە پێیان وایە لاواز كردنی دەوڵەت لە بەرژەوەندی خۆیان و بنەماڵە و حزبەكەیانە.
هۆشیار عەبدوڵڵا لە ئەكاونتی خۆی لەتۆڕی كۆمەڵایەتی فەیسبووك بڵاویكردووەتەوە، پێشتر سەبارەت بە كاندید كردنی هۆشیار زێباری بۆ پۆستی سەرۆككۆمار پرسیاری ئاڕاستەی موقتەدا سەدر رێبەری رەوتی سەدر كردووە، زۆر رێزی وەڵامەكەی دەگرێت و هیواخوازە ناوبراو بەردەوام بێت لە شەڕی دژی گەندەڵی.
نوسیویشیەتی، خێر و چاكە بۆ عیراق لە رێگەی ئەو كەسانەوە دێت كە خێریان بۆ وڵات دەوێت، نەك ئەو كەسانەی پێیان وایە لاواز كردنی دەوڵەت لە بەرژەوەندی خۆیان و بنەماڵە و حزبەكەیانە.
ئەوەش دوای ئەوەدێت، پێشتر رێبەری رەوتی سەدر لە تویتێكدا بڵاویكردەوە، داوا لە پەرلەمانتارانی چاكساز دەكات ئەگەر كاندیدی پارتی بۆ پۆستی سەرۆككۆماری عیراق مەرجەكانی تێدایە نییە دەنگی پێ نەدەن.
