كاروانی یەكەمی هێزێكی تایبەتی ئەمریكا گەیشتە وڵاتی پۆڵەندا لە چوارچێوەی دابینكردنی هێزی سەربازی بۆ خۆرهەڵاتی ئەوروپا.
ئاژانسەكانی هەواڵ بڵاویانكردۆتەوە، هێزە تایبەتەكەی ئەمریكا گەیشتۆتە فڕۆكەخانەی یاسیۆنكا كە 70 كیلۆمەتر لەسنوری نێوان پۆڵەنداو ئۆكرانیاوە دوەرە.
بەپێی ئەو زانیاریانەی پێشتر بڵاوكرابونەوە هەشت فڕۆكەی ئەمریكا لە هەمان فڕۆكەخانە نیشتبونەوە كە لێپرسراوانی سەربازی باڵای ئەمریكای تیادا بون بۆ ئامادەكاری و دابینكردنی شوێن بۆ سەربازانی ئەمریكا.
هەفتەی رابردوش جۆن كیربی وتەبێژی وەزارەتی بەرگری ئەمریكا رایگەیاند بوو، ویلایەتە یەكگرتوەكانی ئەمریكا بڕیاریداوە هێزی زیاتر لەوانەی هەرسێ وڵاتی ئەڵمانیاو پۆڵەنداو رۆمانیا بكات بەمەبەستی بەرپەرچدانەوەی هەر دەستدرێژیەك كە بكرێتە سەر ئۆكرانیا.
