راوێژكارێكی محەمەد حەلبوسی سەرۆكی پەرلەمانی عیراق ئەو دەنگۆیانە رەتدەكاتەوە كە باس لەوە دەكەن، حەلبوسی خۆی بۆ پۆستی سەرۆك كۆمار پاڵاوتبێت.
محەمەد سەلمان راوێژكاری حەلبوسی رایگەیاندووە، هەندێك لە دەزگاكانی راگەیاندن باس لەوە دەكەن كە گوایە سەرۆكی پەرلەمان خۆی بۆ پۆستی سەرۆك كۆمار پاڵاوتووە، ئەو هەواڵانە بە هیچ شێوەیەك راست نین.
رونیشیكردووەتەوە، رێزی رێكەوتنە سیاسیەكان و پشكی پێكهاتەكان و بنەماكانی كاری سیاسی دەگرن و ئەو جۆرە زانیاریانە هیچ بنەمایەكیان نییە.
ئەوەش دوای ئەوە دێت، پێشتر دەنگۆی ئەوە بڵاوكرایەوە گوایە محەمەد حەلبوسی خۆی بۆ پۆستی سەرۆك كۆماری عیراق كە پشكی كوردە پاڵاوتووە.
