نرخی نەوتی خاو بەردەوامە لە بەرزبوونەوە و یەك بەرمیل خاوی برێنت لە 100 دۆلاری ئەمریكی نزیك بوویەوە.
بەپێی داتاكان، پێش نیوەڕۆی ئەمڕۆ سێشەممە، نرخی نەوت بازێكی تری داوەو بەرزبوونەوەی بەرچاوی بەخۆیەوە بینیوە.
بەپێی داتاكان، یەك بەرمیل خاوی برێنت گەیشتووەتە 99 دۆلار و 3 سەنت، هەروەها بەرمیلێك خاوی خۆرئاوای تەكساسی ئەمریكی بەرامبەر 95 دۆلار و 86 سەنتە.
شارەزایانی ئابوریی باس لەوە دەكەن، هۆكاری بەرزبوونەوەی بەردەوامی نەوت بۆ گرژی و ئاڵۆزییەكانی نێوان روسیا و ئۆكرانیا دەگەڕێتەوە.
