سەرۆكی دەزگای گشتی كاروباری مین لە هەرێمی كوردستان رایدەگەیەنێت، 255 كیلۆمەتر چوارگۆشەی خاكی هەرێم مینڕێژن.
جەبار مستەفا رەسوڵ سەرۆكی دەزگای كاروباری مین لەحكومەتی هەرێمی كوردستان بە ئاژانسی هەواڵی عیراقی راگەیاندوە، روبەری خاكی مینڕێژكراو لەهەرێمی كوردستان بە سێ قۆناغدا تێپەڕیوە، لە شەستەكانی سەدەی رابردوە تا ساڵی 2003ی خایاندوە، قۆناغی یەكەم شەڕی چەكداری بوە دژی هێزە ئازادیخوازەكانی كوردو قۆناغی دووەمیش شەڕی هەشت ساڵەی نێوان عیراق و ئێران بوو كە خاكی هەرێم ببوە گۆڕەپانی ئەو جەنگە، قۆناغی سێیەمیش شەڕی داعش بوو كە بەهەمانشێوە خاكی هەرێم شوێنی شەڕەكە بوو.
رەسوڵ وتوشیەتی: روبەڕی مێنڕێژكراو 776 كیلۆمەتری چوارگۆشە بوە لەهەرێم بەڵام بەهاوكاری حكومەت و رێكخراوە نێودەوڵەتی و ناوخۆییەكان لەساڵی 1992ـەوە دەستیانكرد بە لابردنی بە شوێنەوارە جەنگییەكانیشەوە، ئێستا روبەری مینڕێژكراو 255 كیلۆمەتری چوارگۆشەیە.
وتوشیەتی: قەیرانی دارایی جیهان بەشێوەیەكی گشتی كاریگەریی هەبوە لەسەر رێكخراوەكان و وڵاتانی كۆمەكبەخش، هەروەها ئەو وڵاتانە پشتیوانییەكانیشان بۆ هەرێم لەچوارچێوەی هەڵمەتەكانیاندا لاوازەو وەك پێویست نییە.
