بەهۆی گرژییەكانی نێوان روسیا و ئۆكرانیاوە، نرخی نەوتی خاو بەردەوامە لە بەرزبوونەوە و یەك بەرمیل خاوی برێنت 110 دۆلاری تێپەڕاند.
بەپێی راپۆرتە ئابورییەكان، ئەمڕۆ چوارشەممە نەوتی خاو نرخێكی نوێی تۆمار كردووە و یەك بەرمیل خاوی برێنت بە 110 دۆلار و 9 سەنتەوە مامەڵەی پێوە دەكرێت.
بەپێی هەمان ئەو راپۆرتانە، هەروەها بەرمیلێك خاوی خۆرئاوای تەكساسی ئەمریكا بەرامبەر 108 دۆلار و 64 سەنتە و بەرمیلێك خاوی رێكخراوی ئۆپێكیش بە 99 دۆلار و 22 سەنت دەفرۆشرێت.
بەرزبوونەوەی بەردەوامی نرخی نەوت بەهۆی مەترسی كەمبونەوەی نەوتە لە بازاڕەكاندا، ئەوەش بەهۆی شەڕی داگیر كردنی ئۆكرانیاوە لەلایەن روسیا و سزا ئابورییەكانی سەر مۆسكۆ.
