لیژنەی سەرپەرشتیاری موەلیدە ئەهلییەكانی سلێمانی نرخی كارەبای موەلیدەی بۆ مانگی رابردوو دیاری كرد، كە لەنێوان 12 هەزار و 500 دینار بۆ 14 هەزار دینارە.
راگەیاندنی قائیمقامیەتی سلێمانی بڵاویكردووەتەوە، ئەمڕۆ پێنجشەممە لیژنەی سەرپەرشتیاری موەلیدە ئەهلییەكانی سلێمانی بۆ هەژماركردنی نرخی كارەبای موەلیدە ئەهلییەكان كۆبونەوە و بەگوێرەی نرخی گازۆیل و كاتژمێرەكانی كاركردن نرخی ئەمپێرێك كارەبای موەلیدەی ئەهلی بۆ مانگی رابردو شوبات لە نێوان 12 هەزار و 500 دینار بۆ 14 هەزار دینار دەبێت.
ئەوەش هاتووە، بەهۆی جیاوازی كارپێكردنی موەلیدەكان لەگەڕەكێك بۆ گەڕەكێكی دیكە، نرخی ئەمپێڕێك كارەبای موەلیدە جیاواز دەبێت
هەر بەپێی بڵاوكراوەكە، سەبارەت بەكاركردنی موەلیدەش بەیانیان لە كاتژمێر 6:30 خولەكی بەیانی تاوەكو كاتژمێر 8:00ی بەیانی كاردەكەن، هەروەها 12ی نیوەڕۆ تاوەوەكو یەكی شەو هەركاتێك كارەبای نیشتیمانی كوژایەوە پێویستە موەلیدەكان كارەبا بۆ هاوڵاتیان دابین بكەن.
