ئاژانسی هەواڵی ئۆكرانیا ئاشكرای كردووە، تاوەكو ئێستا 3 هەزار خۆشبەخش لە ولایەتە یەكگرتووەكانی ئەمریكاوە ئامادەیی خۆیان دەربڕیوە بۆ شەڕ كردن لە ئۆكرانیا دژی هێزەكانی روسیا.
ئاژانسەكە لە زاری هێزە چەكدارەكانی ئەو وڵاتەوە بڵاویكردووەتەوە، كۆی گشتی ئەو بیانیانەی كە ئامادەیی خۆیان پیشانداوە وەك خۆبەخش لە ئۆكرانیا دژی هێزەكانی روسیا شەڕ بكەن، گەیشتوونەتە 16 هەزار كەس.
ئەوەش هاتووە، لەو ژمارەیەش 3 هەزاریان ئەمریكیین و شەڕكەری كۆنن و پێشتر لە عیراق و چەندین ناوچەی تر بەشدارییان لە شەڕ كردووە.
بەپێی زانیاریەكان، فۆڵۆدیمێر زیلینسكی نیازی ئەوەی هەیە هێزێك بە ناوی “فەیلەقی بیانی” بۆ شەڕ كردن دژی هێزەكانی روسیا دروست بكات، كە خۆی لەو بیانییانە دەبینێتەوە كە وەك خۆبەخش ئامادەییان دەربڕیوە.
