وەزارەتی بەرگری ئەمریكا ئاشكرای كرد، ئەو كاروانە سەربازیەی روسیا كە لە نزیك كیێفەوە وەستابوون، كەوتوونەتەڕێ و چەند چەند میلێكیان ماوە بگەنە ناوەڕاستی پایەتەختی ئۆكرانیا.
رۆژنامەی “واشنتن پۆست”ی ئەمریكی لە زاری سەرچاوەیەكی باڵای وەزارەتی بەرگری وڵاتەكەیەوە بڵاویكردووەتەوە، ئەو كاروانە سەربازییەی لە نزیك كیێفی پایەتەختی ئۆكرانیا وەستابوون، كەوتوونەتەڕێ.
ئاماژەی بەوەشداوە، ئەندامە سەرەكییەكانی ئەو هێزە تەنها چەند میلێكیان ماوە بۆ ئەوەی بگەنە ناوەڕاستی شارەكە، ئەستەمە پێشبینی ئەو كاتە بكەین كە ئەو هێزە كەی دەست بە جوڵەی جدی دەكەن.
ئەو هێزە روسیە كە دەزگاكانی راگەیاندن بە “كاروانی مەرگ” ناوی دەبەن، ماوەی چەند رۆژێكە لە نزیك كیێفی پایەتەختی ئۆكرانیا وەستاون و سەرچاوەكانیش پێیان وایە، كاتی دەست پێكردنی شەڕێكی درێژی خوێناوی بۆ داگیركردنی كیێف خەریكە دەست پێ دەكات.
