بەڕێوەبەرایەتی ئاوی سلێمانی هۆشداری بە هاوڵاتیان دەدات لە مەلەكردن لە دەریاچەی دوكاندا، چونكە ساڵانە روداوی دڵتەزێنی لێدەكەوێتەوە.
بەڕێوەبەرایەتییەكە لە ئاگادارییەكدا رایگەیاندووە، داوا لە هاوڵاتیان دەكەن لە كاتی سەردانی كردنیان بۆ سەیرانگەی دوكان رێنماییەكان پەیڕەو بكەن و خۆیان بەدووربگرن لە مەلە كردن لە دەریاچەی دوكاندا.
ئەوەش هاتووە، ساڵانە بەهۆی مەلەكردنەوە لە دەریاچەكە كارەساتی دڵتەزێنی خنكانی لێ دەكەوێتەوە، بۆ گەڕانیش بە دوای تەرمدا ناچار دەبن پرۆژەكان بكوژێننەوەو زیاتر لە یەك ملیۆن و نیو هاوڵاتی بێ ئاو دەبن بۆچەند رۆژێك.
هەر لە ئاگادارییەكە داواكراوە، پاك و خاوێنی سەرچاوەی ئاوی دەریاچەكە بپارێزن و پاشەڕۆ و دەبەی ئاو نەكەنە دەریاچەكە ، لەبەر ئەوەی دەبێتە پیس بوونی سەرچاوەی دابینكردنی ئاوی خواردنەوەی هاوڵاتیانی شاری سلێمانی و ئەو قەزا و ناحیانەی ئاو لە پرۆژەی دوكان وەردەگرن.
