بەهۆی پلانێكی ئەمریكاوە نرخی نەوتی خاو دابەزینی بەخۆیەوە بینی و یەك بەرمیل خاوی برێنت هاتە خوارەوە بۆ 108 دۆلار و 30 سەنت.
دوای ئەوەی راپۆرتەكان باسیان لەوە كردووە كە ئیدارەی جۆ بایدن سەرۆكی ئەمریكا پلانی هەیە بۆ ماوەی 6 مانگ رۆژانە 500 هەزار بەرمیل نەوت لە یەدەگی وڵاتەكەی بخاتە بازاڕەوە بۆ دابەزاندنی نرخەكەی، نەوتی خاو دابەزینی زیاتری بەخۆیەوە بینی.
بەپێی راپۆرتە ئابورییەكان، یەك بەرمیل خاوی برێنت بە 108 دۆلار و 30 سەنت مامەڵەی پێوە دەكرێت، هەروەها بەرمیلێك خاوی تەكساسی ئەمریكی دابەزیوە بۆ 103 دۆلار و 30 سەنت، خاوی ئۆپێك بەرزترینە و یەك بەرمیل بەرامبەر 110 دۆلار و 5 سەنتە.
لەماوەی رابردودا بەهۆی شەڕی داگیر كردنی ئۆكرانیا لەلایەن روسیاوە و سەپاندنی سزایەكی زۆر بەسەر ئەو وڵاتەدا، نرخی نەوتی خاو بەرزبوونەوەی بەرچاوی بەخۆیەوە بینی و یەك بەرمیل 130 دۆلاری تێپەڕاند.
