جوتیار عادل وتەبێژی حكومەتی هەرێمی كوردستان حكومەتی هەرێم داوا لە خەڵكی دەكات، دووربكەونەوە لە قۆرخكاری بازاڕ و گرانكردنی پێداویستییەكان و هەروەها بەڵێنی گرتنەبەری رێكاری پێویست دەدات.
جوتیار عادل لە پیرۆزباییەكدا بەهۆی مانگی رەمەزانەوە بڵاویكردووەتەوە، گەلی كوردستان وەكو زۆرینەیەكی موسڵمان، هەمیشە باپەندی بەها جوان و رەسەنەكانی خۆی بووە.
وتوشیەتی، هیواخوازن لەم مانگەشدا زیاتر هاوكاری یەكتری بكەین و دوور بكەوینەوە لە قۆرخكاری بازاڕ و گران كردنی پێداویستییەكانی هاوڵاتیان.
وتەبێژی حكومەتی هەرێم ئاماژەی بەوەشداوە، حكومەتی هەرێمی كوردستان هەموو رێكارێكی پێویست دەگرێتەبەر بەرامبەر ئەو كەسانەی كە قۆرخكاری لە بازاڕدا دەكەن و سزای یاساییان دەدات.
