وتەبێژی رێكخراوی نەتەوەیەكگرتوەكان بۆ كاروباری پەنابەران رایگەیاند: كۆچبەرانی ئۆكرانیان كە بەهۆی شەڕەوە وڵاتەكیان جێدەهێڵن زیاتر لە چوار ملیۆن و نیو كەس.
مات سالتمارش وتەبێژی نەتەوەیەكگرتوەكان بۆ كاروباری پەنابەران رایگەیاندوە، تائێستا 4 ملیۆن و 615 هەزارو 830 كەس لە ئۆكرانیا بەهۆی شەڕەوە هەڵاتون سەرەڕای ئەوەی ژمارەی ئەو كەسانە كە لەسنوری وڵاتەكەیان پەڕیونەتەوە زۆر كەمبۆتەوەو ئەوانەشی چونەتە ناو سنورەكانی ئەوروپاوە لەو كەسانەن كە كەمدەرامەتن و سەرچاوەی داهاتیان زۆر كەمە، هەروەها ناشزانن بۆ چ وڵاتێك دەڕۆن و شوێنێكیان دەستنیشان نەكردوە تا بۆی بڕۆن.
وتوشیەتی: لەناو ئاوارەكاندا 90%یان ژن و منداڵن و پیاوەكانیشیان تەمەنیان لەنێوان 18 بۆ 60 ساڵیدان و ئامادەنین وڵاتەكەیان بەجێبهێڵن.
رێكخراوەكە پێشبینی كردوە بەهۆی شەڕی ئۆكرانیاو روسیاوە 7.1 ملیۆن كەس ماڵەكانی خۆیان جێبهێڵن لەوانەی تائێستا لە وڵاتەكەیاندا ماونەتەوە.
