نرخی نەوتی خاو بەردەوامە لە بەرزبوونەوە و یەك بەرمیل خاوی برێنت بە 104 دۆلار و 60 سەنتەوە مامەڵەی پێوە دەكرێت، ئەوەش دوای ئەوەی لەماوەی رابردوودا دابەزی بۆ 95 دۆلار.
بەپێی راپۆرتە ئابورییەكان، ئەمڕۆ چوارشەممە یەك بەرمیل خاوی برێنت لە مامەڵە جیهانییەكاندا بەرامبەر 104 دۆلار و 60 سەنتە، هەروەها بەرمیلێك خاوی تەكساسی ئەمریكی بە 100 دۆلار و 50 سەنت دەفرۆشرێت.
بەپێی داتاكانی ماڵپەڕی رێكخراوی ئۆپێكیش، یەك بەرمیل خاوی ئۆپێك لە مامەڵە جیهانییەكاندا بەرامبەر 100 دۆلار و 80 سەنتە.
شارەزایان باس لەوە دەكەن، هۆكاری بەرزبوونەوەی نرخی نەوت بریتین لە “سزاكانی سەر روسیا، ئاسایی بوونەوەی بەشێك لە هاتووچۆ لە شەنگهای چین كە لەماوەی رابردودا بەهۆی تەشەنەسەندنی كۆرۆناوە كەرەنتین راگەیەنرابوو، هەروەها رێكخراوی ئۆپێكیش بڵاویكردەوە كە ناتوانێت قەرەبووی نەوتی روسیا لە بازاڕەكاندا بكاتەوە”.
