وەفدێكی كۆمەڵی دادگەری لەشاری بەغدا لەگەڵ مەكتەبی سیاسی عەسائیبی ئەهلی حەق كۆبۆوەو پاراستنی خەڵكی هەرێمی كوردستان و دابینكردنی مافەكانیان تەوەری سەرەكی كۆبونەوەكە بوە.
بەپێی راگەیەنراوێك كە بڵاوكراوەتەوە، لە كۆبونەوەكەدا باس لەدۆخی ئێستای عیراق و مەسەلەی پێكهێنانی حكومەت و سەرۆكایەتی كۆمارو ئەم دۆخەی كە چەقبەستوە، هەروەها باس لە دۆخی خراپی خەڵكی هەرێمی كوردستان كرا كە سیاسەتی حكومڕانی خراپ لە هەرێم ئەو دۆخەی بەرهەم هێناوە، كراوە.
لە كۆبونەوەكەدا ئاماژە بەوەشكراوە، هەردوولا جەختیانكردۆتەوە دەبێت لایەنە عیراقییەكان ئەوە بزانن كە خەڵكی هەرێمی كوردستان باجی زۆری حوكمڕانێتی خراپی لە هەرێمداوە، پێویستە لە هەر گۆڕانكارییەك خەڵكی هەرێمی كوردستان بپارێزرێت و مافەكانی دابین بكرێت و تێكەڵ بە ململانێی سیاسی نەكرێت.
