ڤۆلۆدیمێر زیلینسكی سەرۆكی ئۆكرانیا پێی وایە، هێرشی روسیا بۆ سەر وڵاتەكەی تەنها سەرەتایە و ئەو وڵاتە نیازی داگیركردن و كۆنترۆڵكردنی وڵاتی تریشی هەیە.
زیلینسكی لە گرتەیەكی ڤیدیۆیدا وتویەتی، ئەو وڵاتانەی كە وەك ئێمە بڕوایان بە سەركەوتنی ژیان بەسەر مردندا هەیە پێویستە لەگەڵماندا بوەستن و هاوكاریمان بكەن.
سەرۆكی ئۆكرانیا جەختی لەوەش كردووەتەوە، ئۆكرانیا یەكەم چاوچنۆكی روسیایە و دواتر سەرەی دەوڵەتانی تریش دێت، چونكە مۆسكۆ نیازی داگیر كردنی وڵاتی تریشی هەیە.
پێشتریش چەندین جاری تر ئۆكرانیا و چەند لایەنێكی تری رۆژئاوایی پێیان وابووە، هێرشەكانی روسیا تەنها لە ئۆكرانیا ناوەستن، بەڵام مۆسكۆ ئەوەی رەتكردووەتەوە.
