تۆڕی “نیوز نەیشن”ی ئەمریكی بڵاویكردووەتەوە، ساڵی 2021 خوێناویترین ساڵ بووە لە مێژووی ولایەتە یەكگرتووەكانی ئەمریكادا، هۆكاری ئەوەش بەشێوەیەكی سەرەكی پەتای كۆرۆنایە.
تۆڕەكە لە راپۆرتێكدا ئاشكرای كردووە، بەپێی توێژینەوەیەكی نوێ بەهۆی پەتای كۆرۆناوە 2021 خوێناویترین ساڵ بووە لەمێژووی ئەمریكادا، هەروەها لەساڵی 2020ەوە تاوانەكانی كوشتن بە چەك لە چەندین شار دەستیان كردووە بە بەرزبوونەوە، لەو ساڵەدا لەچاو ساڵی پێشتری تاوانەكان 35% زیادیان كردووە و 19 هەزار و 384 كەس كوژراون.
لای خۆیەوە “شاوندرا كیلان لویس” مامۆستای یاسا لە زانكۆی تەكساس وتویەتی، لەكاتەكانی كێشەی دارایی و نیگەرانی فرۆشتنی چەك زیاتر دەبێت، هەروەها توندوتیژی و دوژمنایەتی رەگەزیی زیاد دەكات.
ئەو مامۆستای زانكۆیە باسی لەوەش كردووە، لەگەڵ بڵاوبوونەوەی پەتای كۆرۆنا پەستانە نوێكان كاریگەرییان لەسەر تاوانەكانی كوشتن دروست كردووە و بەشێوەیەكی بەرچاو زیادیان كردووە.
