نەبەز ئیسماعیل وتەبێژی وەزارەتی ئەوقاف و كاروباری ئاینی هەرێم ئاشكرای كرد، بۆ دیاریكردنی یەكەم رۆژی جەژنی رەمەزان، رۆژی شەممە لیژنەی باڵای بینینی مانگ كۆدەبێتەوە و پشت بە هیچ وڵاتێك نابەستن.
نەبەز ئیسماعیل بە پێگەی فەرمی پارتی وتووە، رۆژی شەممە لیژنەی باڵای بینینی مانگ بە هەماهەنگی لەگەڵ لیژنە لاوەكییەكان لە پارێزگاكان بۆ دیاریكردنی رۆژی جەژن كۆدەبێتەوە.
ئاماژەی بەوەشداوە، ئەگەر مانگ بیندرا رۆژی یەكشەممە دەبێتە جەژن و ئەگەر نەبیندرا مانگی رەمەزان 30 رۆژ دەبێت و رۆژی دووشەممە دەبێتە جەژن.
وتەبێژی وەزارەتی ئەوقاف جەختی لەوەش كردووەتەوە، ئەوان پشت بەخۆیان دەبەستن و لیژنەی باڵای بینینی مانگ بڕیار دەدات، پەیوەندییان لەگەڵ وەقفی سونی عیراق هەیە و كۆبونەوەی بەردەوامیان هەیە، پشت بە هیچ وڵاتێك نابەستن.
