شارەزایەكی كەشناسی بڵاویكردەوە، نزمەپاڵەپەستۆیەكی بارانبارین لە دەریای ناوەراستەوە رودەكاتەوە ناوچەكانمان و بارانی پچڕ پچڕ دەبێت و ئەگەری خۆڵبارین لە هەندێك ناوچە دەبێت.
ئاراس جەبار شارەزای كەشناسی بڵاویكردووەتەوە، بەرەبەیانی سبەی یەكشەمە نزمەپاڵەپەستۆیەكی بارانبارین لە دەریای ناوەراستەوە رودەكاتەوە ناوچەكانمان، سەرەتاش لە بەرەبەیانەوە سنوری پارێزگای دهۆك و باكوری رۆژئاوای عیراق دەگرێتەوە دواتر لەكاتەكانی نیوەرۆ بۆ شەو لە سەرجەم ناوچەكان كاریگەری بەرێژەی جیاواز ئەبێت و ئاسمانی هەرێم بەزۆری دەگۆرێت بۆ هەوری تەواو.
رونیشیكردووەتەوە، لەگەڵ كاریگەری ئەم نزمەپاڵەپەستۆیەدا لە بەرەبەیانی سبەینێوە تاوەكو كاتی ئێوارە پێشبینی زیادبوونی ناوبەناوی خێرای با دەكەن كە ئەمەش ئەبێتە هۆی بەرزبوونەوەی تۆز و خۆڵ بەتایبەت لەناوچەكانی ناوەراست و رۆژئاوای عیراقدا و ئەگەر هەیە خۆڵبارینەكە بگاتە هەندێ ناوچەی باشوری هەرێم و گۆرانكاریش بۆ ئەم ئەگەرە لە ئارادا ئەبێت.
بەپێی قسەكانی ئەو كەشناسە، بەگشتی بارانبارینی پچر پچر و هەندێك كات لێزمە باران بە هەورە تریشقەوە لە ناوچەی جیاجیادا بوونی دەبێت، بەتایبەت لە سنوری پارێزگای دهۆك و ناوچە شاخاویەكانی سنوری پارێزگای هەولێر رێژەی بارانبارینەكە زیاتر ئەبێت بە بەراورد بە ناوچەكانی دیكە، پلەكانی گەرماش بەرێژەی 3 تاوەكو 5 پلەی سیلیزی نزمدەبنەوە.
