دەستەی حەشدی شەعبی ئاشكرای كرد، هەوڵێكی چەكدارانی داعشیان بۆ دەستبەسەرداگرتنی ناحیەی سەجر لە قەزای فەلوجە شكست پێهێناوە و دواتر چەكدارەكان هەڵاتوون.
دەستەكە لە راگەیەندراوێكدا ئاماژەی بەوەداوە، هەوڵێكی چەكدارانی داعش بۆ كۆنترۆڵكردنی ناحیەی سەجر لە قەزای فەلوجە شكست پێهێناوە، ئەمەش لە چوارچێوەی ئۆپراسیۆنەكانی رۆژهەڵاتی ئەنبار.
بەپێی راگەیەندراوەكە، دوای شكستپێهێنانی هەوڵەكە چەكدارەكان هەڵاتوون بۆ شوێنێكی نادیار و لەو كاتەشەوە گەڕان بەدوایاندا دەستیپێكردوە.
دەستەی حەشدی شەعبی رونیشیكردووەتەوە، ئۆپراسیۆنە سەربازییەكانیان لە سنورەكە بەمەبەستی دەستگیركردنی چەكدارانی داعش و تێكدانی بارەگا و مۆڵگەكانیان بەردەوام دەبێت.
