شەپۆلێكی خۆڵبارین روو لە هەرێمی كوردستان دەكات

شارەزایەكی كەشناسی پێشبینیدەكات، لە سێ رۆژی ئایندەدا شەپۆلێكی خۆڵبارین هەرێمی كوردستان بگرێتەوە كە تەنها 24 كاتژمێر دەخایەنێت و دواتر كۆتایی دێت.


ئاراس جەبار شارەزای كەشناسی رایگەیاندووە، بەپێی پێشبینییەكان لە بەرەبەیانی رۆژی دووشەمە ئەگەری هەیە شەپۆلێكی مامناوەند بۆ چڕی خۆڵبارین ناوچەكانی هەرێمی كوردستان بگرێتەوە، ئەوەش لە ئەنجامی كاریگەری نزمەپاڵەپەستۆیەكی هەوا لە دەریای ناوەڕاستەوە.
هەر بەپێی پێشبینییەكان، بەرەی پێشەوەی نزمەپاڵەپستۆكە لە هەوایەكی وشك پێكهاتووە، دەكەوێتە نێوان سنوری وڵاتی عیراق و سوریا و دەبێتە هۆی زیادبوونی بەرچاوی خێرایی با كە ئەمەش لەم ناوچانەدا هۆكارە بۆ بەرزبوونەوەی تۆز و خۆڵێكی زۆر.
جەختی لەوەش كردووەتەوە، پێشبینی دەكرێت بە ئاڕاستە باكەوە ئەم شەپۆلە خۆڵبارینە لە بەرەبەیانی رۆژی دووشەمە بگاتە ناوچەكانی هەرێم و عیراق، كاریگەری بەگشتی تاوەكو بەرەبەیانی رۆژی سێشەمە بەردەوامی دەبێت و دواتر كۆتای پێدێت.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .